الست هتقفل الدستور وهتحبس إبراهيم عيسي

لما الست سوزان تطلع في المؤتمر الدولي للشباب بتوعها ، وتقول إن مبارك صحته بمب
وإن الصحفيين والمؤسسات الإعلامية إلي نشرت خبر وفاه مبارك ، لازم يتحسابوا ، وتضع نفسها في مكان الصحفيين وتتكلم عن شرف المهنه وأصولها والذي منه .
يبقي لازم إبراهيم عيسي يبيت في نيابة أمن الدوله
فلقد أرسلت نيابة أمن الدوله رساله إلي نقابة الصحفيين تطلب فيها مثول إبراهيم عيسي رئيس تحرير جريده الدستور أمام نيابة أمن الدوله ، بتهمه بث دعايه كاذبه وإشاعات مغرضه من شأنها تكدير الأمن العام للبلاد وإستقراره .
طيب لما أمن البلاد وإستقرارها متوقف علي صحه مبارك ، طيب ليه بن ستين في سبعين ده مش عايز يخرج ويقول أنا هنا أهوه ، وينقذ البلاد من الضياع في مهب الريح المزعومه التي تهددها الشائعات القويه التي يزعمون إنها تضر بالبلاد
مصر مش هتتوقف عشان بسلامته تعبان ولا بيموت ، يغور في ستين داهيه ، مصر مش مبارك ومبارك مش مصر ، والشعب عمره ما عمل حساب لمبارك ولاهيعمل له أساسا أي حساب كان ، ويوم ما يموت سوف ترجع البسمه إلي وجوههم .
تلك الأيام الإخيره ، وخاصه تصريح الست بإن مبارك صحته بمبم وإن لازم يتم معاقبه الصحفيين مروجي الشائعات ، ثم يتم إستعداء إبراهيم عيسي للتحقيق معاه ، يدل بما لا يدع للشك إن النظام خلاص بح بح بح ، وإن مبارك فعليا مش موجود ، والست بتحاول هيه وإبنها تجهيز كثير من الأمور في البلاد ، ولكنها لا تستطيع ، إنها تستعمل طريقه زوجها المعهوده ، المحاكم الخاصه الإستثانية
ولكن مش عارف ، عندي إحساس قوي قوي قوي
إن مبارك وعيلته مش هيفرحوا في الإخوان والمعارضه المره دي ، بل إن الشعب هوه إلي هيفرح في عيله مبارك وشلتهم المره دي .
وبما إن النور قاطع عندنا ، وداخل بخط التليفون ، وبطاريه اللاب توب فاضل فيها 7 دقايق شحن،
فإدعوا إننا نصحي الصبح ، نطلع نضرب جثه مبارك بالجزمه
و أؤكد بأن من يعترف بأن مبارك رئيس لمصر فهو واهم واهن أثم ، مصر مالهاش رئيس من يوم 6 أكتور 1981
كما أطالب الساده الصحفيين بجريده الدستور ، إنهم يبدأو يحجزوا أماكن في غرفه الإعتصام بنقابة الصحفيين عشان يلحقوا فالأماكن في الغرفه معدوده وبسيطه عشان هيقعدوا جنبا بجنب بجوار زملائهم من جريده أفاق عربيه الذين أغلقت الست وجوز الست والمعلم عاطف جريدتهم
لكن طبعا المره دي مش وليد الدسوقي إلي هيقفشكم لوحده ، ده مكتب مكافحه الإخوان كمان متضامن مع مكتب مكافحه الشيوعيه ومنظمات المجتمع المدني
وقع تضامنا مع إبراهيم عيسي ، ضد إحالته للتحقيق أمام نيابة امن الدوله الإستثنائية